मनाङ मर्स्याङ्दीलाई गोर्खा कप फुटबल २०६९ को उपाधि

तेस्रो प्रयासमा मनाङ मर्स्याङ्दी क्लब गोर्खा कप फुटबल च्याम्पियन बनेको छ। सुरुआती दुई संस्करणमा उपविजेतामा चित्त बुझाएको मनाङले शनिबार त्रिभुवन आर्मी क्लबविरुद्ध ४–१ को एकतर्फी नतिजा निकाल्दै सिजनको पहिलो उपाधि उचालेको हो । सुलभ मास्केले ह्याटि्रक गरेको खेलमा मनाङ पूर्ण हाबी भएको थियो । गोर्खा समूहको प्रायोजनमा जेठ ९ देखि अषाढ १  सञ्चालित प्रतियोगितामा १३ ए डिभिजन क्लबसहित १६ टोली सहभागी थिए।